नवी मुंबई।बेलापूर विधानसभा मतदारसंघातील महाविकास आघाडीचे उमेदवार संदीप नाईक यांनी आज प्रचाराचा नारळ फोडत जोरदार प्रचाराला सुरुवात केली. मतदारांचा त्यांना उत्स्फूर्त प्रतिसाद मिळत असून, अनेक मतदारसंघात त्यांच्या सभांना गर्दी पाहायला मिळत आहे.

नाईक यांनी प्रचाराच्या वेळी विद्यमान आमदारांवर टीका करत त्यांच्या अनुपस्थितीवर प्रश्न उपस्थित केला. "आमदारांची मतदारसंघातील अनुपस्थिती आणि कार्यकर्त्यांना मिळणाऱ्या अपमानास्पद वागणुकीला मतदार नकार देतील," असे ते म्हणाले.

महाविकास आघाडीतील सर्व घटक पक्ष संदीप नाईक यांच्या विजयासाठी आपली पूर्ण ताकद लावत असून, मतदारसंघाच्या सर्वांगीण विकासासाठी मतदार देखील उत्सुक असल्याचे चित्र आहे. नाईक यांनी जनतेसाठी २४ तास उपलब्ध राहण्याचे वचन दिले असून, नागरिकांना सन्मानाची वागणूक देण्याची ग्वाही दिली आहे.

संदीप नाईक यांचा आत्मविश्वास

"मी जनतेसाठी सदैव उपलब्ध असेन आणि प्रत्येक तळागाळातील कार्यकर्त्यांना सन्मान देईन," असे संदीप नाईक यांनी सांगितले. त्यांच्या या आश्वासनामुळे बेलापूरमध्ये महाविकास आघाडीची ताकद वाढली आहे, तर दुसरीकडे विद्यमान आमदारांविरोधात असंतोषाचे वातावरण आहे.

प्रचारात तुतारीचा आवाज

बेलापूर मतदारसंघात आता बदलाचा आवाज घुमत असल्याचे स्पष्ट होत आहे. मतदारांच्या या प्रतिसादामुळे महाविकास आघाडीला विजयाची अपेक्षा असून, मतदारसंघातील वातावरण बदलाच्या दिशेने जात असल्याचे दिसत आहे.