नवी मुंबई: नवी मुंबईतील ज्वेल ऑफ नवी मुंबई येथे "नवी मुंबई कार्निवल" अंतर्गत "नवी मुंबई दिवाळी पहाट" या कार्यक्रमाचे आयोजन करण्यात आले. आपल्या संस्कृतीचा वारसा जपण्यासाठी आणि पुढील पिढीपर्यंत पोहोचवण्यासाठी या कार्यक्रमाचे आयोजन करण्यात आले होते, ज्यामध्ये मोठ्या संख्येने युवकांनी सहभाग नोंदवला.

नवी मुंबई शहराची ओळख "स्वच्छ आणि राहण्यासाठी योग्य" शहर अशी आहे. येथील सर्वच सण मोठ्या उत्साहात साजरे केले जातात, त्यामुळे आता या शहराची ओळख "संस्कृती आणि परंपरेचे जतन करणारे" शहर अशीही होत आहे. याबद्दल नवी मुंबईकरांना अभिमान आहे.कर्यक्रमात माजी नगरसेवक गिरीश म्हात्रे, मिलिंद पाटील, अविनाश आंब्रे यांसारख्या मान्यवरांसह अनेक प्रतिष्ठित व्यक्ती उपस्थित होत्या. त्यांच्या उपस्थितीत या कार्यक्रमाने विशेष आकर्षण प्राप्त केले.