नवी मुंबई। कोपरखैरणे सेक्टर ४ मध्ये माजी नगरसेवक शंकर मोरे यांच्या कार्यालयात घुसून त्यांचा मुलगा व कार्यकर्त्यांसोबत मारहाण केल्याची गंभीर घटना समोर आली आहे. या प्रकरणात शंकर मोरे यांच्यावर पैशांचे वाटप केल्याचा आरोप करण्यात आला आहे.

घटनेच्या वेळी स्वराज्य पक्षाचे उमेदवार अंकुश कदम आणि त्यांचे कार्यकर्ते उपस्थित असल्यामुळे हा प्रकार अधिकच गंभीर बनला आहे.

पोलीस तपास सुरू

या घटनेनंतर स्थानिक पोलिसांनी घटनास्थळी पोहोचून तपास सुरू केला आहे. या घटनेच्या सर्व बाजू तपासून संबंधितांवर योग्य ती कारवाई करण्यात येईल, असे पोलिसांनी स्पष्ट केले आहे.

अंकुश कदम यांची प्रतिक्रिया

या घटनेवर अंकुश कदम यांनी प्रतिक्रिया देताना सांगितले, "घटना खरी आहे, पण सविस्तर माहिती थोड्या वेळात देतो."

राजकीय वातावरण तापले

या घटनेनंतर नवी मुंबईतील राजकीय वातावरण चांगलेच तापले आहे. विविध राजकीय पक्ष आणि स्थानिक नागरिक यावर तीव्र प्रतिक्रिया देत आहेत. पोलिस तपासानंतरच प्रकरणाचा खरा स्वरूप बाहेर येईल.