नवी मुंबई ।घनसोलीतील दरगाहसमोर झालेल्या दुर्दैवी अपघातात एका युवकाचा टेम्पोखाली चिरडून मृत्यू झाला आहे. स्थानिकांच्या मते, दरगाहसमोरील रस्त्यावर वाहने पार्क केल्यामुळे जागा कमी होत आहे, ज्यामुळे अशा प्रकारचे अपघात वारंवार घडत आहेत. आज मात्र युवकाचा जीव गेल्याने स्थानिकांतून संताप व्यक्त केला जात आहे.प्राप्त माहिती अनुसार मृत युवकाचे नाव फैयाज कुरैशी आहे । 

दररोज सकाळी आणि विशेषतः संध्याकाळच्या वेळेस घनसोली स्टेशनसमोर (मीना वाईन शॉपजवळ) ते कोपरखैरनेतील चारभुजा स्वीट्सच्या शेजारील वाईन शॉपपर्यंत वाहने डबल पार्क होत असल्याने मोठ्या प्रमाणात ट्रॅफिक जाम होतो. त्याचमुळे या ठिकाणी अपघातांची शक्यता वाढत आहे.वृत्त लिहेपर्यंत पोलिसांनी टेम्पो चालकाला ताब्यात घेऊन गुन्हा दाखल करण्याची प्रक्रिया सुरू केली होती.

स्थानिक प्रशासनाकडून पुढील उपायांची अपेक्षा:

दरगाहसमोर आणि मुख्य रस्त्यांवर अवैध पार्किंगवर कडक कारवाई करणे.वाहतुक पोलिसांची नेमणूक आणि नियमित वाहतुकीवर लक्ष ठेवणे.नो-पार्किंग झोनची स्पष्ट चिन्हे लावणे.लोकांमध्ये ट्रॅफिक नियम पाळण्याबाबत जनजागृती करणे.स्थानिक नागरिकांनी प्रशासनाकडे या समस्येकडे लक्ष देऊन लवकरात लवकर उपाययोजना करण्याची मागणी केली आहे.