नवी मुंबई : दि. 30 ऑक्टोबर 2024 रोजी नवी मुंबईतील सीवूड्स परिसरात मोठ्या प्रमाणात रोख रक्कम सापडल्याने खळबळ उडाली आहे. मध्यवर्ती कक्ष, गुन्हे शाखा, नवी मुंबई यांना माहिती मिळाल्यानंतर पोलिसांनी कारवाई केली. सीवूड्स सेक्टर 42 ए येथील कृष्णा हॉटेलसमोरील पार्किंगमध्ये रोख रक्कम असलेली एक कार येणार असल्याची माहिती मिळाली होती.

घटनास्थळावर ताब्यात घेतलेले इसम :

1. लोकनाथ गोविंदचंद्र मोहंती (वय 33)

2. रतिलाल आंबाभाई पटेल (वय 38)

3. विनित मोहनलाल शर्मा (वय 45)

पोलीस पथकाने 18:00 वाजता घटनास्थळी जाऊन कार क्रमांक एम.एच.-46/बी.क्यु.-9853 ची तपासणी केली असता, त्यात एकूण 86,50,000 रुपये रोख रक्कम सापडली. त्यातील 17,300 भारतीय चलनातील 500 रुपयांच्या नोटा होत्या.

 स्पष्टीकरण न मिळाल्याने रक्कम जप्त

रक्कमेबाबत विचारणा केल्यानंतर तिघांपैकी कोणीही समाधानकारक उत्तर न दिल्याने घटनास्थळी निवडणूक आयोगाचे एफ.एस.टी.-9 भरारी पथक व आयकर विभागाचे अधिकारी बोलावण्यात आले. सविस्तर पंचनाम्यानंतर सदर रक्कम जप्त करून निवडणूक निर्णय अधिकारी यांना याबाबत माहिती देण्यात आली. जप्त केलेली रक्कम पुढील कारवाईसाठी ठाणे जिल्हा कोषागारात जमा करण्यात आली आहे.