नवी मुंबई (तळोजा): शेजारी राहणाऱ्या महिलेशी सतत होणाऱ्या वादाचा बदला घेण्यासाठी एका व्यक्तीने तिच्या केवळ ढाई वर्षांच्या मुलीचं अपहरण करून हत्या केल्याची धक्कादायक घटना तळोजा परिसरात उघडकीस आली आहे. या प्रकरणी तळोजा पोलिसांनी आरोपी मोहम्मद अंसारी याला अटक केली आहे.

वादाचा बदला घेतला निर्दयीपणे

पोलिसांच्या माहितीनुसार, आरोपी मोहम्मद अंसारी याची पत्नी व पीडित मुलीची आई या दोघींच्या दरम्यान नेहमीच भांडणं होत असत. या वादाचा बदला घेण्यासाठी अंसारीने चिमुकलीचा खेळण्याच्या बहाण्याने अपहरण केला आणि तिची हत्या करून मृतदेह बाथरूममध्ये लपवून ठेवला. तब्बल दोन दिवसांनंतर दुर्गंधीमुळे मृतदेह सापडला.

फिरौतीसाठी बनवला कट

पोलिस उपायुक्त प्रवीण मोहिते यांनी दिलेल्या माहितीनुसार, आरोपी अंसारी मोबाईल गेममध्ये मोठ्या प्रमाणात पैसे हरला होता आणि कर्जबाजारी झाला होता. त्यामुळे त्याने मुलीचं अपहरण करून तिच्या कुटुंबाकडून फिरौती वसूल करण्याचा कट रचला होता. मात्र, पीडित कुटुंबाने सोमवारीच पोलिसांकडे तक्रार दाखल केली होती.

गुन्हा उघडकीस कसा आला?

पोलिसांनी अपहरणाची तक्रार नोंदवून तपासासाठी पाच पथकं तयार केली होती. बुधवारी रात्री आरोपीच्या घरातून दुर्गंधी आल्यामुळे शेजाऱ्यांनी पोलिसांना कळवले. पोलिसांनी घराची झडती घेतली असता, बाथरूमच्या वरच्या भागात एका बॅगेत मुलीचा मृतदेह आढळून आला.

गुन्ह्याची कबुली

वरिष्ठ पोलीस निरीक्षक तानाजी भगत यांच्या मार्गदर्शनाखाली आरोपीला ताब्यात घेऊन चौकशी केली असता त्याने गुन्ह्याची कबुली दिली. त्यानंतर आरोपीला अटक करून न्यायालयात हजर करण्यात आले असून, त्याला पोलीस कोठडी सुनावण्यात आली आहे. पुढील तपास तळोजा पोलीस करत आहेत.