नेरुळमधील शिवप्रेमींनी व्यक्त केली तीव्र नाराजी

नवी मुंबई : दिवाळीच्या पहिल्या दिवशी नेरुळ सेक्टर १ येथील एसआयएस कॉलेजसमोर असलेल्या शिवाजी चौकात अंधाराचे साम्राज्य पाहून स्थानिक शिवप्रेमींनी संताप व्यक्त केला. नागरिकांनी पुढाकार घेत चौकात पहिला दिवा छत्रपती शिवाजी महाराजांसाठी लावला.

नागरिकांनी संताप व्यक्त करत म्हटले की, “आमचे आराध्य देव छत्रपती शिवाजी महाराज अंधारात आहेत, आणि तरीसुद्धा नवी मुंबई महानगरपालिकेच्या अधिकाऱ्यांना लाज वाटत नाही. त्यांना थोडीशीही लाज असेल तर किमान उद्या तरी चौकात दिवे लावतील.”

या वेळी शिवप्रेमी देवनाथ म्हात्रे, सतीश शिंदे, सोमनाथ म्हात्रे, दिनेश गवळी, गणेश पालवे, धीरज लोखंडे, अविनाश सातोशे, विनेश आगळे, स्वप्नील राणे, राजू कदम, कु. सुदीक्षा शिंदे आणि मयूर शिवाळे आदी उपस्थित होते.शिवप्रेमींच्या या उपक्रमाचे स्थानिक नागरिकांनी कौतुक केले असून, आता महानगरपालिकेकडून तातडीने कारवाईची अपेक्षा व्यक्त केली जात आहे.